హైదరాబాద్ నందు (బంజర హిల్స్, జూబిలీ హిల్స్, మాదాపూర్, కొండాపూర్ ) పరిసర ప్రాంతాల్లో పనిచేయుటకు సెక్యూరిటీ గార్డ్స్ వెంటనే కావాలను. ఆర్మీ మరియు పోలీస్ డిపార్ట్మెంట్ లో పని చేసి రిటైర్ అయినా వారికీ తగిన ప్రాధాన్యత ఇవ్వ బడును. మీరు సంప్రదించవలసిన ఫోన్ నెంబర్ + 91 8074965869

Author Archives: yönetim

‘సైరా’ టీజర్ రిలీజ్ హైలెట్స్ ఇవే..!

Category : Uncategorized

మెగాస్టార్ చిరంజీవి హీరోగా శ్రీమ‌తి సురేఖ కొణిదెల స‌మ‌ర్ప‌ణ‌లో కొణిదెల ప్రొడ‌క్ష‌న్ కంపెనీ బ్యాన‌ర్‌పై రామ్‌చ‌ర‌ణ్ నిర్మాత‌గా సురేంద‌ర్‌రెడ్డి ద‌ర్శ‌క‌త్వంలో తెర‌కెక్కిన భారీ హిస్టారిక‌ల్ చిత్రం ‘సైరా న‌ర‌సింహారెడ్డి’. బాలీవుడ్ సూప‌ర్ స్టార్ అమితాబ్ బ‌చ్చ‌న్‌, కిచ్చాసుదీప్‌, విజ‌య్ సేతుపతి, న‌య‌న‌తార‌, త‌మ‌న్నా, ర‌వికిష‌న్ త‌దిత‌రులు కీల‌క పాత్ర‌ల్లో న‌టించారు. చిరంజీవి పుట్టిన‌రోజు సంద‌ర్భంగా ఈ సినిమా టీజ‌ర్‌ను మంగ‌ళ‌వారం విడుద‌ల చేశారు. ఈ కార్య‌క్ర‌మం ముంబైలో జ‌రిగింది. ఈ కార్య‌క్ర‌మంలో…

విజ‌య్ సేతుప‌తి మాట్లాడుతూ – ‘‘అమితాబ్ బ‌చ్చ‌న్‌, చిరంజీవి వంటి గొప్ప స్టార్స్‌తో న‌టించే అవ‌కాశం రావ‌డం నా అదృష్టంగా భావిస్తున్నాను. ఈ సినిమాలో భాగం కావ‌డంపై చాలా సంతోషంగా ఉంది’’ అన్నారు. 

త‌మ‌న్నా మాట్లాడుతూ –  ‘‘ఇది హిస్టారిక‌ల్ మూవీ. ఇప్ప‌టి వ‌ర‌కు నేను చేసిన సినిమాల‌కు ఇది పూర్తి భిన్న‌మైన‌ది. సైరాలో నేను పార్ట్ కావ‌డంప‌ట్ల చాలా సంతోషంగా ఉన్నాను. సైరా న‌ర‌సింహారెడ్డి సినిమా చ‌రిత్రలో మ‌న‌లో చాలా మందికి తెలియ‌ని ఓ స్వాతంత్ర్య‌యోధుడి క‌థ‌. ఇలాంటి సినిమాలో న‌టించ‌డం చాలా గ‌ర్వంగా ఆనందంగా ఉంది’’ అన్నారు. 

సుదీప్ మాట్లాడుతూ – ‘‘బిగ్గెస్ట్ స్టార్ బిగ్ బి గారు ఈ సినిమాలో న‌టించారు. సినిమాలో స్టార్స్ సాధించిన వాటితో పోల్చితే మేం ఏం సాధించ‌లేదు. అలాంటి వండ‌ర్ ఫుల్ యాక్ట‌ర్స్‌తో స్క్రీన్ స్పేస్ పంచుకోవ‌డ‌మే గొప్ప వ‌రంగా భావిస్తున్నాను. ప్రతిరోజు మేం మేక‌ప్ వేసుకుని అద్దంలో చూసుకున్న‌ప్పుడు మేమేనా అనిపించేది. ఎందుకంటే పెద్ద పెద్ద‌గ‌డ్డాలు, బ‌రువైన దుస్తులు, మేక‌ప్ వేసుకునేవాళ్లం. యుద్ధ స‌న్నివేశాల్లో న‌టించేట‌ప్పుడు మేం ఇత‌ర న‌టీన‌టుల్ని క‌లుసుకుంటే వారెవ‌రో తెలుసుకోవ‌డానికే మాకు స‌మ‌యం ప‌ట్టేది. చాలా గొప్ప సినిమా. ప్ర‌తిసారి ఇలాంటి సినిమాల్లో న‌టించే అవ‌కాశాలు రావు. అవ‌కాశం వ‌చ్చినప్పుడు కాద‌న‌కుండా చేసేయ‌డ‌మే’’ అన్నారు. 

ర‌వికిష‌న్ మాట్లాడుతూ – ‘‘నేను అఘోరిలాంటి న‌టుడ్ని. నేను ఎలాంటి పాత్ర‌లో అయినా న‌టించగ‌లుగ‌తాన‌ని భావిస్తాను. సౌత్‌లో న‌న్ను రేసుగుర్రంతో ప‌రిచ‌యం చేసింది ఈ సినిమా ద‌ర్శ‌కుడు సురేంద‌ర్ రెడ్డి న‌న్ను తెలుగులో ప‌రిచ‌యం చేశారు. ద‌క్షిణాది ప్రేక్ష‌కుల ప్రేమ‌ను అక్క‌డి నుండే పొందుతూ వ‌చ్చాను. మెగాస్టార్ చిరంజీవిగారికి నేను పెద్ద ఫ్యాన్‌ని. ఆయ‌న్ని నుండి చాలా విష‌యాలు నేర్చుకున్నాను’’ అన్నారు. 

అమిత్ త్రివేది మాట్లాడుతూ – ‘‘తెలుగులో నా డెబ్యూ మూవీ. చాలా గొప్ప న‌టీన‌టులు, నిర్మాత‌లున్న సినిమాలో ప‌నిచేశాను. చిరంజీవిగారు, చ‌ర‌ణ్‌ల‌తో క‌లిసి వ‌ర్క్ చేయ‌డం మ‌ర‌చిపోలేని అనుభూతి. ద‌క్షిణాది భాష అర్థం కావ‌డమే క‌ష్టం. అయితే సంగీతానికి భాష లేదు. ద‌ర్శ‌కుడు, రైట‌ర్స్ నా ప‌నిని సుల‌భం చేశారు’’ అన్నారు. 

సురేంద‌ర్ రెడ్డి మాట్లాడుతూ – ‘‘నా వెనుక చిరంజీవిగారు, చ‌ర‌ణ్‌గారు ఉండటంతో ఎలాంటి ఇబ్బందులు లేకుండా సినిమాను పూర్తి చేయ‌గ‌లిగాను’’ అన్నారు. 

ప‌ర్హాన్ అక్త‌ర్ మాట్లాడుతూ – ‘‘నేను సినిమా ప్ర‌పంచంలోనే ఎక్కువ‌గా బ్ర‌తికాను. ప్ర‌పంచంలో మంచి చిత్రాల క‌లెక్ష‌న్స్ మా ఇంట్లో ఉండేవి. సినిమాల‌కు భాష‌లేదు’’ అన్నారు. 

రితేష్ అద్వాని మాట్లాడుతూ – ‘‘చ‌రిత్ర‌లో క‌న‌ప‌డ‌కుండా పోయిన ఓ స్వాతంత్ర్య‌పోరాట యోధుడి క‌థ అని రామ్ నాకు సినిమా స్టోరీ లైన్ పంపాడు. ఆ పాయింట్ నాకు న‌చ్చింది. ఇలాంటి క‌థ‌ను అంద‌రి ప్రేక్ష‌కుల‌కు అందించాల‌ని ఉద్దేశంతో నేను ఈ సినిమాలో పార్ట్ అయ్యాను’’ అన్నారు. 

అనీల్ టడానీ మాట్లాడుతూ – ‘‘ఇలాంటి స్కేల్‌, బ‌డ్జెట్  ఉన్న సినిమాలు చేసేట‌ప్పుడు నిర్మాత‌లకే ఎక్కువ రిస్క్ ఉంటుంది. అలాంటి వారికి హ్యాట్సాఫ్ చెప్పాల్సిందే’’ అన్నారు. 

నిర్మాత మెగాప‌వ‌ర్‌స్టార్ రామ్‌చ‌ర‌ణ్ మాట్లాడుతూ – ‘‘నాన్న‌గారు ఇంట్లో ఒక‌లా, మేక‌ప్ వేసుకున్న‌ప్పుడు ఒక‌లా ఉంటారు. ట్రాన్స్‌ఫ‌ర్మేష‌న్ అయిపోతారు’’ అన్నారు.  

చిరంజీవి మాట్లాడుతూ – ‘‘ఇది చ‌రిత్ర మ‌ర‌చిపోయిన వీరుడు ‘ఉయ్యాల‌వాడ న‌ర‌సింహారెడ్డి’ క‌థ‌. ఇలాంటి వీరుడి క‌థ‌ను మ‌న దేశంలోని ప్ర‌జ‌లు తెలుసుకోవాల్సిన అవ‌స‌రం ఉంద‌నిపించింది. ఒక‌టిన్న‌ర దశాబ్దంగా సినిమా వాయిదా ప‌డుతూనే వ‌స్తుంది. అందుకు కార‌ణం బ‌డ్జెట్ ప‌రిమితులే. సురేంద‌ర్ రెడ్డి, చ‌రణ్ ఈసినిమాను చేయ‌డానికి ముందుకు రావ‌డంతో నా క‌ల నేర‌వేరింది’’ అన్నారు. 

త‌ర్వాత మీడియా ప్ర‌తినిధులు అడిగిన ప్ర‌శ్న‌ల‌కు యూనిట్ స‌భ్యులు స‌మాధానం ఇచ్చారు..

1999లో అజ్‌కా గూండారాజ్ త‌ర్వాత ఇన్నేళ్ల‌కు మ‌ళ్లీ హిందీ ప్రేక్ష‌కుల ముందుకు వ‌చ్చారు.. అందుకు కార‌ణ‌మేంటి?

చిరంజీవి: ఈ గ్యాప్ ఎందుకు వ‌చ్చిందో తెలియ‌డం లేదు. నాకు ప్రాప‌ర్ కంటెంట్ ఉన్న సబ్జెక్ట్ రాలేదు. ఆ కార‌ణంగా కొంత గ్యాప్ వ‌స్తే.. త‌ర్వాత నేను రాజ‌కీయాల్లోకి వెళ్లాను. అక్క‌డ నుండి 2016 మ‌ళ్లీ సినిమాల్లోకి రీ ఎంట్రీ ఇచ్చాను. బాలీవుడ్‌కి రావాల‌ని అనుకున్న‌ప్పుడు ఈ సినిమా అయితే స‌రిపోతుంద‌నిపించింది. 

‘సైరా న‌రంసింహారెడ్డి’తోపాటు అదే స‌మ‌యంలో ఇత‌ర బాలీవుడ్ హీరోల సినిమాలు మ‌రికొన్నివిడుద‌ల‌వుతున్నాయి క‌దా! మీ అభిప్రాయమేంటి?

ప‌ర్హాన్ అక్త‌ర్: అవును నిజ‌మే! అయితే మ‌న‌కు కావాల్సిన‌న్నీ స్క్రీన్స్ ఉన్నాయి. సైరా ఓ గొప్ప చిత్రం. భారీ బడ్జెట్‌తో తెర‌కెక్కించారు. ప్రేక్ష‌కులు రెండు సినిమాలు చూడొచ్చు. ఎందుకంటే రెండు వేర్వేరు సినిమాలు. అంత కంటే నేను వేరే ఆలోచ‌న‌లు చేయ‌డం లేదు. 

అమితాబ్ బ‌చ్చ‌న్‌గారితో క‌ల‌సి న‌టించ‌డంపై మీ అనుభూతి ఏంటి? ఇద్ద‌రు మెగాస్టార్స్ తెర‌పై క‌నుల విందు చేయ‌నున్నారా?

చిరంజీవి: అమితాబ్‌గారు నా రియ‌ల్ లైఫ్ మెంట‌ర్‌. నాకు తెలిసినంత వ‌ర‌కు ఇండియాలో మెగాస్టార్ అంటే అమితాబ్ బ‌చ్చ‌న్‌గారే. ఆయ‌న ద‌గ్గ‌ర‌కు కూడా ఎవ‌రూ రీచ్ కాలేరు. ఆయ‌న‌తో క‌లిసి ప‌నిచేయడం నా అదృష్టం. ఈ సినిమాలో నా గురువు పాత్ర‌కు అమితాబ్ బ‌చ్చ‌న్‌గారైతే బావుంటుంద‌ని డైరెక్ట‌ర్ సురేంద‌ర్ రెడ్డి అన్నారు. అదొక‌ స్పెష‌ల్ క్యారెక్ట‌ర్‌. నేను ప్ర‌య‌త్నిస్తాన‌ని చెప్పి.. ఆయ‌న‌కు ఫోన్ చేయ‌గానే.. ఏం కావాలని అడిగారు. ఇలా సైరా సినిమా గురించి చెప్పాను. చ‌ర‌ణ్ నిర్మిస్తున్న ఆ చిత్రంలో నా గురువు పాత్ర‌లో మీరు న‌టించాల‌ని, ఓ వారం రోజులు కాల్షీట్స్ కేటాయిస్తే చాలని అన్నాను. వెంట‌నే ఆయ‌న అంగీక‌రించారు. ఆయ‌న‌కు నేను ఎప్ప‌టికీ రుణ‌ప‌డి ఉంటాను. 

భారీ చిత్రాల‌ను హిందీ ప్రేక్ష‌కుల‌కు అందిస్తున్నారు క‌దా!.. ఇలాంటి సినిమాల‌నే చేయాల‌ని ఎలా నిర్ణ‌యించుకుంటారు?

రితేష్ అద్వాని:   చ‌రిత్ర‌లో మ‌ర‌చిపోయిన స్వాతంత్ర్యయోధుడి క‌థ‌ను సినిమాగా చేస్తున్నామ‌ని  రామ్‌చ‌ర‌ణ్ చెప్ప‌గానే నేను టీజ‌ర్‌ను చూశాను. నాకు చాలా బాగా న‌చ్చింది. మ‌రికొన్ని భాగాల‌ను చూశాను. బాగా న‌చ్చాయి. దాంతో హిందీలో సినిమాను రిలీజ్ చేయాల‌నుకున్నాం. భ‌విష్య‌త్‌లో కూడా మంచి సినిమాలు వ‌స్తే.. స్క్రిప్ట్ ద‌శ నుండే పార్ట్ అవుతాం. 

‘బాహుబ‌లి’ వంటి భారీ చిత్రం త‌ర్వాత ‘సైరాన‌ర‌సింహారెడ్డి’ వంటి మ‌రో భారీ చిత్రంలో చేయ‌డం ఎలా అనిపించింది?

త‌మ‌న్నా:  చాలా సంతోషంగా ఉంది. నేను తెలుగు సినిమాల్లోకి ఎంట్రీ ఇచ్చిన‌ప్పుడు చిరంజీవిగారితో క‌లిసి న‌టించాల‌ని అనుకున్నాను. ఈ సినిమాతో ఆ కోరిక నేర‌వేరింది. చ‌ర‌ణ్ ఈసినిమా కోసం చాలా క‌ష్ట‌ప‌డ్డాడు. సుస్మిత చాలా క‌ష్ట‌ప‌డింది. పెద్ద పెద్ద స్టార్స్‌తో న‌టించే అవ‌కాశం ఇచ్చిన అంద‌రికీ థ్యాంక్స్‌. 

చ‌ర‌ణ్ బాలీవుడ్‌లో ఎందుకు న‌టించ‌డం లేదు?

రామ్‌చ‌ర‌ణ్: ఎంత పెద్ద న‌టుడికైనా కంటెంట్ ఉన్న సినిమా కుద‌రాలి. వ‌చ్చే ఏడాది రాజ‌మౌళిగారి ఆర్ ఆర్ ఆర్ మీ ముందుకు రాబోతున్నాను. బాలీవుడ్‌లో నాకు అది క‌మ్ బ్యాక్  మూవీ అనుకుంటున్నాను. 

మీరు చాలా గ్యాప్ త‌ర్వాత బాలీవుడ్ సినిమాతో ప్రేక్ష‌కుల ముందుకు వ‌స్తున్నారు క‌దా?  మీరు ఎలాంటి మార్పులు గ‌మ‌నించారు?

చిరంజీవి:  నేను 2007లో న‌ట‌న‌కు స్వ‌స్తి చెప్పి రాజ‌కీయాల్లోకి ఎంట్రీ ఇచ్చాను. త‌ర్వాత అక్క‌డ నుండి సినిమాల్లోకి 2016లో రీ ఎంట్రీ ఇచ్చాను. ఈ కాలంలో సినిమాల్లో చాలా మార్పులు వ‌చ్చాయి. నేను సినిమాలు చేసేట‌ప్పుడు నెగిటివ్ ఉండేది. కానీ ఇప్పుడు అవేం క‌న‌ప‌డటం లేదు. నేను నా 150వ సినిమా చేసేట‌ప్పుడు నాకు కొత్త‌గా అనిపించింది. అంతా కొత్త వాతావ‌ర‌ణం క‌న‌ప‌డింది. అయితే సినిమాలో కంటెంట్‌, సినిమాలో ఎమోష‌న్స్‌లో మార్పు లేదు. 

అమితాబ్‌, చిరంజీవి వంటి స్టార్స్‌తో సినిమా చేయ‌డం ఛాలెంజింగ్‌గా అనిపించిందా?

సురేంద‌ర్ రెడ్డి:  ఛాలెంజింగ్‌గానే అనిపించింది. అయితే అమితాబ్, చిరంజీవిగారు నాకు కంఫ‌ర్ట్ జోన్‌ను క్రియేట్ చేశారు. దాని వ‌ల్ల సినిమా చేయ‌డం సుల‌భ‌మైంది.


బాలయ్య 105వ మూవీ లుక్ ఇదే..!

Category : Uncategorized

చిత్రీకరణ దశలో బాలకృష్ణ 105వ చిత్రం.. సరికొత్త లుక్‌లో ఆకట్టుకుంటున్న బాలకృష్ణ

నటసింహ నందమూరి బాలకృష్ణ 105వ చిత్రం థాయ్‌లాండ్‌లో శరవేగంగా చిత్రీకరణను జరుపుకుంటోంది. కె.ఎస్.రవికుమార్ దర్శకత్వంలో హ్యాపీమూవీస్ బ్యానర్‌పై సి.కల్యాణ్ నిర్మాతగా ఈ సినిమా రూపొందుతుంది. ఈ సినిమాలో బాలకృష్ణ ఇది వరకు కనిపించని సరికొత్త లుక్‌లో కనిపించబోతున్నారు. ఆయన లుక్‌ని మేకర్స్ రిలీజ్ చేశారు. గడ్డం, మీసం ఉన్న లుక్‌లో బాలయ్యను చూసి థ్రిల్ అవుతున్నారు. మంగళవారం నుండి లోకల్ స్టంట్ కొరియోగ్రాఫర్స్ ఆధ్వర్యంలో సినిమాలో కీలకమైన భారీ యాక్షన్ ఎపిసోడ్ చిత్రీకరిస్తున్నారు. 

సోనాల్ చౌహాన్, వేదిక హీరోయిన్స్‌గా నటిస్తోన్న ఈ చిత్రంలో ప్రకాశ్‌రాజ్, భూమిక చావ్లా, జయసుధ కీలక పాత్రల్లో నటిస్తున్నారు. చిరంతన్ భట్ సంగీతం అందిస్తుండగా.. రామ్‌ప్రసాద్ కెమెరా వర్క్‌ను అందిస్తున్నారు. 

నటీనటులు: 

నందమూరి బాలకృష్ణ

సోనాల్ చౌహాన్

వేదిక

ప్రకాశ్ రాజ్

భూమిక చావ్లా


‘సైరా’ టీజర్: ‘సై సైరా’ అనాల్సిందే..!

Category : Uncategorized

రామ్ చరణ్ నిర్మాతగా.. సురేందర్ రెడ్డి డైరెక్షన్ లో మెగాస్టార్ చిరు హీరోగా ఐదు భాషల్లో తెరకెక్కిన సైరా నరసింహారెడ్డి ప్రభంజనం మొదలైపోయింది. మొన్న మేకింగ్ వీడియోతో దుమ్మురేపిన సైరా యూనిట్ నేడు సైరా టీజర్ ని ముంబైలో విడుదల చేసింది. అక్టోబర్ 2 న విడుదలకాబోతున్న సైరా నరసింహారెడ్డి ప్రమోషన్స్ ముంబై వేదికగా గ్రాండ్ గా మొదలైపోయాయి. సైరా సినిమాని రామ్ చరణ్ 250 కోట్లతో భారీగా నిర్మిస్తున్నాడు. మెగాస్టార్ చిరు కెరీర్ లోనే సైరా అత్యంత భారీ బడ్జెట్ చిత్రం. అందుకే యావత్ దేశం మొత్తం సైరా సినిమాపై ఆసక్తి చూపడం, చారిత్రాత్మక చిత్రం కావడంతో సినిమా మీద భారీగా అంచనాలు ఉన్నాయి. ఇక సైరా టీజర్ కోసం పవర్ స్టార్ పవన్ కళ్యాణ్ వాయిస్ ఓవర్ ఇవ్వడం కూడా ఈ సినిమాపై క్రేజ్ పెరగడానికి కారణం.

మరి సైరా టీజర్ చూసాక ఆ అంచనాలు అందుకోవడం సైరా కు పెద్ద విషయం కాదనిపిస్తుంది. అంతలా ఉంది సైరా టీజర్. పవన్ కళ్యాణ్ వాయిస్ ఓవర్ తో పవర్ ఫుల్ గా మొదలైన టీజర్ లో చిరు లుక్స్ హైలెట్. చిరు ఉయ్యాలవాడ లుక్ లో గతంలోనే పోస్టర్స్ తో అదరగొట్టాడు. ఇప్పుడు ఎంతో ఎనర్జిటిక్ హీరోగా సైరా నరసింహారెడ్డి లుక్ లో, యాక్షన్ సీక్వెన్సెస్ లో పవర్ ఫుల్ గా కనిపిస్తున్నాడు. ఇక సైరా యుద్ధ సన్నివేశాలు సినిమాకి హైలెట్ గా నిలవనున్నాయి. ఇక ఈ సినిమాలో నటిస్తున్న నయనతార, తమన్నా, విజయ్ సేతుపతి, కిచ్చా సుదీప్, అమితాబ్, జగపతి బాబు లుక్స్ కూడా కేక పుట్టించేలా ఉన్నాయి. అందరూ పవర్ ఫుల్ పాత్రలకు అడ్డాగా కనబడుతున్నారు. సైరా నరసింహారెడ్డి ఆంగ్లేయుల భరతం పట్టిన మహా వీరుడిగా.. చరిత్రలో కలిసిపోయిన వాడిలా చిరు నటన, లుక్స్, ఎనర్జీ లెవెల్స్ అన్నిటా అద్భుతంగా కనిపిస్తున్నాయి. మేకింగ్ వీడియో కన్నా సైరా టీజర్ లోనే స్టార్స్ యొక్క పాత్రలకు ఓ క్లారిటీ కనబడుతుంది.

ఇక సినిమాకి పెట్టిన బడ్జెట్ తెర మీద నిండుగా కనబడుతుంది. కోటలు, యుద్ధ సన్నివేశాలు, భారీ నిర్మాణాల సెట్టింగ్స్ అన్ని భారీగా కనబడమే కాదు…. ఏనాడో మరుగున పడిపోయిన చరిత్రని గుర్తు చేస్తున్నాయి. ఇక చిరు ఎంతో పవర్ ఫుల్ గా గర్జించిన…. రేనాటి వీరులారా… చరిత్రలో మనం ఉండకపోవచ్చు… కానీ చరిత్ర ఈరోజు మనతోనే మొదలవ్వాలి.. అనే డైలాగ్ అయితే మెగా ఫ్యాన్స్ కి పండగే.

Click Here For Teaser


‘సాహో’ దెబ్బకు ఒకేసారి పది సినిమాలు రిలీజ్!

Category : Uncategorized

యంగ్ రెబల్‌స్టార్ ప్రభాస్, శ్రద్దా కపూర్ నటీనటులుగా యు.వి.క్రియేషన్స్ బ్యానర్‌పై.. సుజిత్ తెరకెక్కించిన చిత్రం ‘సాహో’. రూ.350కోట్లతో నిర్మితమైన ఈ భారీ చిత్రం ఆగస్ట్ 30న అభిమానుల ముందుకు వచ్చేస్తోంది. ఇప్పటికే ఈ చిత్రానికి సంబంధించిన లుక్స్, సాంగ్స్, టీజర్ అంచనాలను డబుల్ చేసేశాయి. అయితే ‘సాహో’ రిలీజ్ రోజున చిన్న చిన్న సినిమాలు విడుదల చేయడం అంత మంచిది కాదేమోనని భావించిన సదరు చిత్ర నిర్మాతలు ముందుగానే సినిమాను థియేటర్లలోకి తెచ్చేస్తున్నారు.

అసలు విషయానికొస్తే.. టాలీవుడ్‌లో ప్రతి శుక్రవారం సినిమాలు రిలీజ్ అవుతుండడం ఎప్పట్నించో ఆనవాయితీగా వస్తోందన్న విషయం తెలిసిందే. ఇందుకు కారణం.. వీకెండ్‌లో సినిమా విడుదల అయితే ప్రేక్షకులతో థియేటర్లు కళకళలాడతాయన్నది నిర్మాతలకు ఓ పెద్ద నమ్మకం. అయితే ‘సాహో’ త్వరలో థియేటర్లలోకి వచ్చేస్తుండటంతో ఈ శుక్రవారం ఒకట్రెండు కాదు ఏకంగా 10 సినిమాలు విడుదల చేయడానికి చిత్రనిర్మాతలు సిద్ధమైపోయారు.

ఆగస్టు 23న.. ‘కౌసల్య కృష్ణమూర్తి’, ‘నేనే కేడీ నెం.1’, ‘జిందా గ్యాంగ్’, ‘నీతోనే హాయ్ హాయ్’, ‘ఏదైనా జరగొచ్చు’, ‘బాయ్’, ‘ఉండిపోరాదే’, ‘కనులు కనులు దోచెనే’, ‘నివాసి’, ‘హవా’ చిత్రాలు విడుదల కానున్నాయి. సో.. సాహో కంటే ముందు అంటే ఈ నెల 23న చిన్న సినిమాలకు పండుగే అన్న మాట. మరి ఈ చిత్రాల్లో ఏ మూవీ హిట్ అవుతుందో..? ఏ సినిమా ఫట్ అవుతుందో తెలియాలంటే మరికొన్ని రోజులు వేచి చూడాల్సిందే మరి.


ఆర్జీవీకి స్ట్రాంగ్ పంచ్ ఇచ్చిన బాలీవుడ్ భామ!

Category : Uncategorized

వివాదాలే నాకు ఊపిరి.. సర్వసం అంటూ బతికేస్తున్న టాలీవుడ్ వివాదాస్పద దర్శకుడు రామ్ గోపాల్ వర్మకు బాలీవుడ్ నటి షెర్లిన్ చోప్రా స్ట్రాంగ్ పంచ్ ఇచ్చింది. 2016లో సినిమాలో ఒక అవకాశం ఇవ్వాలంటూ వర్మకు చోప్రా ఓ ఫొటో పంపించింది. అయితే ఆర్జీవీ మాత్రం ఓ అడల్ట్ సినిమాను ఆఫర్ చేశాడట. ఈ విషయాన్ని స్వయానా షెర్లిన్ ఇటీవల చెప్పుకొచ్చింది.

 

‘నా ఫొటో పంపిన తర్వాత.. వర్మ తనకు ఒక స్క్రిప్ట్ పంపించారు. అందులో మొత్తం బెడ్ సీన్లే ఉన్నాయి. అసభ్యకరమైన సన్నివేశాలపై వర్మను నేను ప్రశ్నించాను. అప్పుడు వర్మ సన్నీ లియోన్‌ను ఉదహరించాడు. అడల్ట్ సినిమాల్లో నటిస్తే సన్నీ లియోన్ మాదిరి గొప్ప స్టార్ అవుతావని చెప్పాడు. బాలీవుడ్ సినిమాల్లో నటించడం ద్వారానే సన్నీలియోన్ స్టార్ అయింది… అడల్ట్ సినిమాల్లో నటించడం ద్వారా కాదు’ అని ఈ బాలీవుడ్ భామ చెప్పుకొచ్చింది. అయితే షెర్లిన్ వ్యాఖ్యలకు ఆర్జీవీ ఎలా రియాక్ట్ అవుతారో వేచి చూడాల్సిందే మరి.


‘సైరా’కు పవనే కాదు.. ఆ ఇద్దరు స్టార్లు కూడా..!

Category : Uncategorized

మెగాస్టార్ చిరంజీవి ప్రధాన పాత్రలో సురేందర్ రెడ్డి తెరకెక్కించిన చిత్రం ‘సైరా’. ప్రతిష్టాత్మకంగా తెరకెక్కిన ఈ చిత్రం అక్టోబర్-02న విడుదల చేస్తున్నట్లు తెలుస్తోంది. ఇప్పటికే రిలీజ్ అయిన లుక్స్, మేకింగ్ వీడియోలు సినిమాపై అంచనాలను భారీగా పెంచేశాయి. ఇటీవలే ఇందుకు సంబంధించిన మేకింగ్ వీడియో, పవన్ వాయిస్‌ చూసి మెగా ఫ్యాన్స్ ఫిదా అయిపోయారు.

ఇప్పటి వరకూ పవన్ ఒక్కడే వాయిస్ అందించారని మాత్రమే మనకు తెలుసు.. అయితే చిరు సినిమా కోసం మరో ఇద్దరు స్టార్ హీరోలు సైతం చెమటోడ్చారు! తమిళ, మళయాల ఇండస్ట్రీలలో స్టార్ హీరోలుగా వెలుగుతున్న.. సూపర్ స్టార్ రజనీకాంత్, మోహన్ లాల్‌లు సైతం స్వరాన్ని అరువు ఇచ్చినట్లు విశ్వసనీయ వర్గాల సమాచారం. కాగా ఈ ఇద్దరు స్టార్స్ చిరుకు మంచి ఆప్తులన్న విషయం విదితమే. దర్శకనిర్మాతలు సైరాకు మీ వాయిస్ ఇవ్వాలని సంప్రదించగానే మారుమాట చెప్పుకుండానే గ్రీన్ సిగ్నల్ ఇచ్చేసి డేట్స్ అడిగి వాయిస్ ఇచ్చేశారని సమాచారం.

ఇప్పటికే  అమితాబ్ బ‌చ్చన్, విజ‌య్ సేతుప‌తి, సుదీప్‌, జ‌గ‌ప‌తి బాబు వంటి టాప్ స్టార్స్ నటిస్తుండటం.. సోదరుడు పవన్ వాయిస్ ఓవర్ ఇస్తుండటం.. ఆయనతో పాటు మరో ఇద్దరు స్టార్స్ గొంతు కలపడం అంటే మామూలు విషయం కాదు.. ఇంత మంది కలయికతో సినిమా ఏ రేంజ్‌లో ఉంటుందో ఒక్కసారి ఊహించుకోండి. మెగా ఫ్యాన్స్‌కు ఇది నిజంగా తియ్యటి శుభవార్తే కాదు.. పండుగే పండుగ అని చెప్పడంలో ఎలాంటి అతిశయోక్తి లేదేమో.


ఆ వేడుకకు సహకారం అందిస్తాం: సి. కళ్యాణ్

Category : Uncategorized

సెప్టెంబర్‌ 8న జరిగే తెలుగు సినీ రథసారథుల రజతోత్సవ వేడుకకు మా వంతు సహాకారం అందిస్తాం… నిర్మాతల మండలి అధ్యక్షుడు సి కళ్యాణ్‌. 

సినీ నిర్మాణంలో ప్రొడక్షన్‌ ఎగ్జిక్యూటివ్స్‌ కీలకపాత్ర వహిస్తారు. అలాంటి తెలుగు సినీ ప్రొడక్షన్‌ ఎగ్జిక్యూటివ్స్‌ యూనియన్‌ (టిసిపిఈయూ) స్థాపించి 25 సంవత్సరాలు అయిన సందర్భంగా తెలుగు సినీ రథసారథుల రజతోత్సవ వేడుకను సెప్టెంబర్‌ 8న గచ్చిబౌలి ఇన్‌డోర్‌ స్టేడియంలో ఘనంగా నిర్వహించనున్నారు. ఈ సందర్భంగా హైదరాబాద్‌ అన్నపూర్ణ సెవెన్‌ ఎకర్స్‌లో ప్రెస్‌మీట్‌ను ఏర్పాటు చేశారు. ఈ కార్యక్రమంలో నిర్మాతల మండలి అధ్యక్షుడు సి కళ్యాణ్‌, ప్రొడ్యూసర్స్‌ కెఎస్‌ రామారావు, దిల్‌రాజు, దర్శక మండలి అధ్యక్షుడు ఎన్‌ శంకర్‌, మా అధ్యక్షుడు నరేష్‌ వికె, జీవిత రాజశేఖర్‌, ట్రెజరర్‌ రాజీవ్‌ కనకాల తదితరులు పాల్గొని సెప్టెంబర్‌ 8 జరిగే తెలుగు సినీ రథసారధుల రజతోత్సవ సభ విజయవంతం కావడానికి తమవంతు సహకారం అందిస్తామని హామీ ఇచ్చారు. ఈ కార్యక్రమంలో టిసిపిఇయు అధ్యక్షుడు అమ్మిరాజు, జెనరల్‌ సెక్రటరీ ఆర్‌ వెంకటేశ్వర్‌ రావు, కోశాధికారి సతీష్‌, ఆడిటర్‌ వివేక్‌ పాల్గొని సెప్టెంబర్‌ 8న జరిగే వేడుకను దిగ్విజయం చేయాలని కోరారు. ఈ సందర్భంగా 

నిర్మాతల మండలి అధ్యక్షుడు సికళ్యాణ్‌ మాట్లాడుతూ – ‘‘ఈరోజున దాసరి గారు ఉంటే ఈ కార్యక్రమం మరో రేంజ్‌లో ఉండేది. ఆయనకు అన్ని విభాగాల పట్ల ఉన్న ప్రేమ అలాంటిది. ఒక సినిమా స్టార్ట్‌ అవడానికి ముందే ప్రొడక్షన్‌ ఎగ్జిక్యూటివ్స్‌ వర్క్‌స్టార్ట్‌ అవుతుంది. అలాంటి ప్రొడక్షన్‌ ఎగ్జిక్యూటివ్స్‌ యూనియన్‌ 25 సంవత్సరాలు పూర్తి చేసుకోవడం నిజంగా సంతోషంగా ఉంది. ఈ యూనియన్‌కి నిర్మాతల మండలి తరపున కావాల్సిన సహాకారం తప్పకుండా అందిస్తాం’’ అన్నారు. 

ప్రముఖ నిర్మాత కెఎస్‌ రామారావు మాట్లాడుతూ – ‘‘ఒక మూవీ స్టార్ట్‌ అయ్యి రిలీజ్‌ అయ్యేవరకు ప్రొడక్షన్‌ ఎగ్జిక్యూటివ్స్‌ పాత్ర చాలా ముఖ్యం. ఒక సినిమాకు నిర్మాతలుగా మా పేరు పడినా వారిదే ఎక్కువ కష్టం ఉంటుంది. అలాంటి ప్రొడక్షన్‌ ఎగ్జిక్యూటివ్స్‌ వెల్‌ ఫేర్‌ కోసం జరుపుతున్న ఈ కార్యక్రమానికి మా వంతు సహాకారం అందిస్తాం’’ అన్నారు. 

ప్రొడ్యూసర్‌ దిల్‌ రాజు మాట్లాడుతూ – ‘‘సినిమా మొదలయ్యి ప్యాకప్‌ అయ్యే వరకూ తెలుగు సినీ ప్రొడక్షన్‌ ఎగ్జిక్యూటివ్స్‌ కీ రోల్‌ పోషిస్తారు. లొకేషన్‌లో ఎలాంటి తప్పు జరగకుండా జాగ్రత్త వహిస్తారు. అలాంటి సంస్థ 25 సంవత్సరాలు పూర్తి చేసుకొని రజతోత్సవ వేడుకలను జరుపుకోవడం చాలా ఆనందంగా ఉంది. ఇలాంటి వేడుక గ్రాండ్‌ సక్సస్‌ కావడానికి యావత్‌ సినీ పరిశ్రమ మొత్తం అండగా ఉంటుంది’’ అన్నారు. 

ఈ కార్యక్రమాన్ని జెమిని టివి, శ్రేయాస్‌ మీడియా అద్వర్యంలో నిర్వహిస్తున్నారు. ఈ కార్యక్రమంలో సినీ పరిశ్రమ సెలెబ్రిటీస్‌ హాజరవుతారు. దీని ద్వారా వచ్చే ఫండ్‌ను టిసిపిఇయు సభ్యుల వెల్‌ ఫేర్‌ కోసం ఉపయోగిస్తారు.


డా. రాజశేఖర్ కొత్త చిత్ర వివరాలివే..!

Category : Uncategorized

ఎమోషనల్ థ్రిల్లర్ తో డా. రాజశేఖర్ కొత్త చిత్రం

టాలీవుడ్ టాప్ స్టార్స్ లో ఒకరైన డా. రాజశేఖర్ కొత్త సినిమాను ప్రారంభించబోతున్నారు. సరికొత్త తరహా కథాంశంతో ఎమోషనల్ థ్రిల్లర్ గా రూపొందనున్న ఈ సినిమాను క్రియేటివ్ ఎంటర్ టైనర్స్ అండ్ డిస్ర్టిబ్యూటర్స్ అధినేత డా. జి. ధనుంజయన్ నిర్మిస్తున్నారు. సింగిల్ లైన్ కథ వినగానే ఎగ్జైట్ అయిన రాజశేఖర్ వెంటనే ఈ సినిమాకు గ్రీన్ సిగ్నల్ ఇవ్వటం విశేషం. ఈ సినిమాలో సత్యరాజ్, నాజర్, బ్రహ్మానందం కీలక పాత్రలు పోషించనున్నారు. ఇటీవల విడుదలైన ‘కిల్లర్’ సినిమాకు సంగీతాన్ని అందించిన సైమన్. కె. కింగ్ డా. రాజశేఖర్ సినిమాకు మ్యూజిక్ అందించబోతున్నారు. తెలుగు ‘క్షణం’ను శిబిరాజ్ తో ‘సత్య’గా తీయటంతో పాటు ‘బేతాళుడు’  సినిమాకు దర్శకత్వం వహించిన ప్రదీప్ కృష్ణమూర్తి ఈ సినిమాకు మెగాఫోన్ పట్టనున్నారు. హీరోయిన్ తో పాటు మిగిలిన పాత్రధారులు, సాంకేతిక నిపుణులను త్వరలో ఎంపిక చేయనున్నారు.

సినిమా టైటిల్ నిర్ణయించి త్వరలో షూటింగ్ మొదలు పెడతామని నిర్మాత జి. ధనుంజయన్ చెబుతున్నారు. సింగిల్ షెడ్యూల్ లో షూటింగ్ పూర్తి చేసి మార్చి 2020లో సినిమాను విడుదల చేస్తామంటున్నారు ధనుంజయన్. సింగిల్ సిట్టింగ్ లో కథను ఓకే చేసి వెంటనే షూటింగ్ మొదలు పెడదామన్న డా. రాజశేఖర్ కు కృతజ్ఞతలు తెలిపారు నిర్మాత ధనుంజయన్.

తమిళంలో రెండు సార్లు జాతీయ అవార్డ్ గెలుచుకున్న నిర్మాత డా. జి. ధనుంజన్. సమంత అక్కినేని నటించిన ‘యు టర్న్’ సినిమాతో పాటు విజయ్ ఆంటోని ‘కొలైకారన్’ ను తమిళంలో విడుదల చేశారు ధనుంజయన్. ఇటీవల మురళీ కార్తీక్, గౌతమ్ కార్తీక్, రెజీనాతో తిరు దర్శకత్వంలో ‘మిస్టర్ చంద్రమౌళి’ సినిమాతో పాటు జ్యోతిక, లక్ష్మీ మంచుతో రాధామోహన్ దర్శకత్వంలో ‘కాట్రిన్ మొళి’ సినిమాను నిర్మించారు ధనుంజయన్. తాజాగా విజయ్ ఆంటోనీతో రెండు వరుస చిత్రాలను నిర్మిస్తున్నారు ధనుంజయన్. డా. రాజశేఖర్ సినిమాతో తెలుగు చిత్రరంగంలోకి అడుగు పెడుతున్నారు. 

డా. రాజశేఖర్, సత్యరాజ్, నాజర్, బ్రహ్మానందం నటించే ఈ చిత్రానికి ఎగ్జిక్యూటివ్ నిర్మాత: యస్.పి. శివప్రసాద్, ఫైనాన్షియల్ కంట్రోలర్: సి.ఎ.జి. గోకుల్, పి.ఆర్.వో: నాయుడు సురేంద్ర కుమార్ – ఫణి కందుకూరి, సంగీతం: సైమన్.కె.కింగ్, నిర్మాత: డా. జి. ధనుంజయన్, దర్శకత్వం: ప్రదీప్ కృష్ణమూర్తి.


సంక్రాంతి బరిలోకి దిగుతున్న నందమూరి హీరో!

Category : Uncategorized

సంక్రాంతి విడుదలకు సిద్ధమవుతున్న ‘ఎంతమంచివాడవురా’… 

‘118’తో సూపర్ డూపర్ హిట్ సాధించిన నంద‌మూరి క‌ల్యాణ్ రామ్ హీరోగా రూపొందుతోన్న చిత్రం ‘ఎంత మంచివాడ‌వురా’. మెహరీన్ కథానాయిక. శ్రీదేవి మూవీస్ అధినేత శివలెంక కృష్ణ ప్రసాద్ సమర్పణలో ఆదిత్య మ్యూజిక్ ఇండియా (ప్రైవేట్‌) లిమిటెడ్‌  నిర్మిస్తున్న చిత్ర‌మిది.  ఉమేష్ గుప్త, సుభాష్ గుప్త‌  నిర్మాత‌లు.  ‘శతమానం భవతి’ చిత్రంతో నేషనల్ అవార్డు గెలుచుకున్న స‌తీశ్ వేగేశ్న ద‌ర్శ‌క‌త్వం వ‌హిస్తున్నారు. ఈ సినిమా సెకండ్ షెడ్యూల్ చిత్రీకరణకు సిద్ధమవుతుంది. ఈ సందర్భంగా.. 

నిర్మాత‌  ఉమేష్ గుప్త మాట్లాడుతూ – ‘‘కల్యాణ్‌రామ్‌, సతీశ్ వేగేశ్న కాంబినేషన్‌లో రూపొందుతోన్న ఈ చిత్రానికి ‘ఎంత మంచివాడవురా’ టైటిల్ అనౌన్స్ చేసినప్పుడు మాకు సూపర్ రెస్పాన్స్ వచ్చింది. అదే పాజిటివ్ వైబ్స్‌తో  అనుకున్న ప్లానింగ్‌లో చిత్రీకరణ జరుగుతోంది. ‘గీత గోవిందం’, ‘మజిలీ ‘ తదితర బ్లాక్ బస్టర్ చిత్రాలకు సంగీతం అందించిన గోపీసుందర్ ఈ చిత్రానికి అద్భుతమైన స్వరాలు అందిస్తున్నారు. జూలై 31న ఈ సినిమా రెగ్యులర్ షూటి౦గ్‌ను స్టార్ట్ చేశాం. ఆగస్ట్ 17నాటికి తొలి షెడ్యూల్ పూర్తయ్యింది. ఆగస్ట్ 26 నుండి సెప్టెంబర్ 22 వరకు రెండో షెడ్యూల్‌ను తణుకు, రాజమండ్రి పరిసర ప్రాంతాల్లో చిత్రీకరించనున్నాం. ఇందులో ప్రధాన తారాగణమంతా పాల్గొంటారు. రెండు యాక్షన్ ఎపిసోడ్స్ తో పాటు కీలక సన్నివేశాలు, ఒక పాటను చిత్రీకరించబోతున్నాం. అక్టోబర్లో హైదరాబాద్ లోనూ, నవంబర్ నెలలో చిక్‌మంగళూర్ ప్రాంతాల్లో చిత్రీకరణ చేయడానికి ప్లాన్ చేస్తున్నాం. అన్ని వ‌ర్గాల ప్రేక్ష‌కుల‌నూ మెప్పించే సినిమాగా తీర్చిదిద్ది సంక్రాంతికి విడుదల చేసేలా సన్నాహాలు చేస్తున్నాం’’ అన్నారు.  

ద‌ర్శ‌కుడు స‌తీష్ వేగేశ్న మాట్లాడుతూ.. ‘‘ఒక మంచి కథ , ఒక మంచి హీరో, ఒక మంచి టీం, ఒక మంచి ఫీల్ తో ఈ సినిమా చేస్తున్నాం. ఇటీవలే దిగ్విజయంగా తొలి షెడ్యూల్‌ పూర్తి చేశాం. రెండో షెడ్యూల్‌కు రెడీ అవుతున్నాం. టైటిల్‌ని బ‌ట్టి హీరో క్యార‌క్ట‌రైజేష‌న్ ఎలా ఉంటుందో అర్థం చేసుకోవ‌చ్చు. అన్ని కార్యక్రమాలను పూర్తి చేసి సినిమాను వచ్చే  సంక్రాంతికి విడుదల చేయాలనుకుంటున్నాం’’ అని అన్నారు. 

న‌టీన‌టులు:

నంద‌మూరి క‌ల్యాణ్ రామ్‌, మెహ‌రీన్‌, వి.కె.న‌రేశ్‌, సుహాసిని, త‌నికెళ్ల భ‌ర‌ణి, ప‌విత్రా లోకేశ్‌, రాజీవ్ క‌న‌కాల‌, వెన్నెల‌కిశోర్‌, ప్ర‌వీణ్‌, ప్ర‌భాస్ శ్రీను త‌దిత‌రులు

సాంకేతిక నిపుణులు

రచన, ద‌ర్శ‌క‌త్వం: స‌తీశ్ వేగేశ్న‌

నిర్మాతలు ‌: ఉమేశ్ గుప్త, సుభాష్ గుప్త, 

సమర్పణ :శివలెంక కృష్ణ ప్రసాద్,

సినిమాటోగ్ర‌ఫీ:  రాజ్ తోట‌

సంగీతం:  గోపీ సుంద‌ర్‌

ఎడిటింగ్‌: త‌మ్మిరాజు

ఆర్ట్‌:  రామాంజ‌నేయులు

ప్రొడ‌క్ష‌న్ ఎగ్జిక్యూటివ్‌: ర‌షీద్ ఖాన్


తూనీగ ట్రైల‌ర్ విడుద‌ల

Category : Uncategorized

హైద్రాబాద్ :వినీత్ చంద్ర, దేవ‌యానీ శ‌ర్మ జంట‌గా న‌టించిన తూనీగ సినిమా ట్రైల‌ర్ ను చిత్ర యూనిట్ సామాజిక మాధ్య‌మాల ద్వారా విడుద‌ల చేసింది. ఆద్యంతం ఆధునిక సాంకేతిక హంగుల‌తో నిండిన ఈ ట్రైల‌ర్ సినీ ప్రేమికుల‌ను విశేషంగా ఆక‌ట్టుకుంటోం ది. శ్రీ‌కాకుళం జిల్లా కేంద్రానికి చెందిన ప్రేమ్ సుప్రీమ్ అనే యువ‌కుడు ద‌ర్శ‌క‌త్వం వ‌హించిన ఈ చిత్రం త్వ‌ర‌లోనే ప్రేక్ష‌కుల‌ను పల‌క‌రించ‌నుంది. క్రౌండ్ ఫండింగ్ విధానంలో రూపుదిద్దుకున్న ఈ చిత్రానికి సంగీతం సిద్ధార్థ్ స‌దాశివుని అందించ‌గా, సినిమాటోగ్ర‌ఫీ హ‌రీశ్ ఎదిగ స మ‌కూర్చారు. ఎడిట‌ర్ గా ఆర్కే కుమార్, పోస్ట‌ర్ డిజైన‌ర్ గా వ‌ర్థ‌మాన డిజిట‌ల్ ఆర్టిస్ట్ ఎంకేఎస్ మ‌నోజ్ వ్య‌వ‌హ‌రించారు.

ప్రేమ్ పెయింటింగ్స్ ప‌తాకంపై తెర‌కెక్కిన ఈ సినిమాకు సంబంధించిన నిర్మాణాంత‌ర ప‌నులు శ‌ర‌వేగంగా జ‌రుగుతున్నా యి. అంతా కొత్త‌వారే క‌లిసి రూపొందించిన ఈ చిత్రం ట్రైల‌ర్ ను మ్యాంగో మ్యూజిక్ సంస్థ ఆన్ లైన్ మాధ్య‌మాల ద్వారా విడుద‌ల చేసింది. ఈ సంద‌ర్భంగా త‌మ‌కెంతో స‌హకరిస్తున్న అన్ని ప్ర‌సార మాధ్య‌మాల‌కూ, ప్ర‌చుర‌ణ మాధ్య‌మాల‌కూ చిత్ర యూనిట్ కృత‌జ్ఞ‌త‌లు తెలిపింది. ప్ర‌చార సార‌థి ర‌త్న‌కిశోర్ శంభుమ‌హంతి నేతృత్వాన ఇప్ప‌టికే విడుద‌లయిన డిజిట‌ల్ డైలాగ్, డిజిట‌ల్ పోస్ట‌ర్ వీక్ష‌కుల‌ను ఎంత‌గానో ఆక‌ట్టుకుంటున్నాయ‌ని డైరెక్ట‌ర్ ఆనందం వ్య‌క్తం చేశారు. చిత్ర బృందానికి శ్రీ‌కాకుళం ఫిల్మ్ క్ల‌బ్ తరపున ర‌మేశ్ నారాయ‌ణ్ శుభాకాంక్ష‌లు తెలిపారు.